Бир күндө 6 медик коронавирус жуктурду, алардын бешөө Бишкекте

Өлкөдө бир сутка ичинде 6 медицина кызматкери коронавирус илдетин жуктуруп алды. Бул тууралуу 14-майдагы брифингде саламаттыкты сактоо министринин орун басары Мадамин Каратаев билдирди.

Маалыматка ылайык, Бишкек шаарында 5 жана Ош шаарында 1 ак халатчан илдетке чалдыккан.

Ал эми стационарлардан 3 медкызматкер сакайып үйлөрүнө чыгарылган.

Жалпысынан республика боюнча COVID-19 диагнозу менен медициналык кызматкерлер арасында – 247 учур катталып, алардын ичинен 192 медкызматкер стационарлардан чыкты.