Бир сутка ичинде 94 ак халатчандан коронавирус аныкталды

Бир сутка ичинде өлкө боюнча 94 медицина кызматкери коронавирус жуктуруп алганы аныкталды. Бул тууралуу Саламаттыкты сактоо министрлигинин Коомдук саламаттык башкармалыгынын башчысы Айнура Акматова брифингде билдирди.

Жаңы учурлар:

• Бишкек шаарында – 26;
• Чүй облусунда – 39;
• Ош шаарында – 14;
• Жалал-Абад облусунда – 9;
• Баткен облусунда – 6.

Ал эми бир суткада 10 медициналык кызматкер ооруканалардан айыгып чыкты.

Жалпысынан республика боюнча COVID-19 диагнозу менен медициналык кызматкерлер арасында – 1875 учур катталды, алардын ичинен 570 медкызматкер стационарлардан айыгып чыккан.