Бир суткада 22 дарыгерден коронавирус аныкталды

Бир сутка ичинде өлкө боюнча 22 медицина кызматкери коронавирус жуктуруп алганы аныкталды. Бул тууралуу саламаттыкты сактоо министринин орун басары Мадамин Каратаев 23-июндагы брифингде билдирди.

Жаңы учурлар:

Бишкек шаарында – 11;
Чүй облусунда – 9;
Ош шаарында – 2.

Ал эми стационарлардан сутка ичинде 2 медкызматкер айыгып чыгарылып, оорудан сакайгандардын жалпы саны 389га жетти.

Жалпысынан республика боюнча COVID-19 диагнозу менен медицина кызматкерлеринин арасында – 604 учур катталды.