Бир суткада 5 адам коронавирустан каза болду

Кыргызстанда өткөн сутка ичинде COVID-19 илдетинен беш адам каза болду. Бул тууралуу республикалык штабдан билдиришти.

Маалым болгондой, Ош облусунда  – 3,  Ош шаарында – 1, Талас облусунда 1 адам каза болду. 

Учурда стационарларда 1737 бейтап, ал эми 1725 бейтап амбулатордук дарылануудан өтүп жатат. 

Кыргызстан пандемия башталгандан бери коронавирустан жалпы 1090 адам каза болду.