Бир суткада өлкөдө төрт адам коронавирустан каза болду

Кыргызстанда өткөн сутка ичинде COVID-19 илдетинен төрт адам каза болду. Бул тууралуу республикалык штабдан билдиришти.

Маалым болгондой, Баткен облусунда 1, Бишкек шаарында 1, Ош облусунда 1, Чүй облусунда 1 адам коронавирустан улам көз жумду. 

Учурда стационарларда  3300 бейтап, ал эми 2871 бейтап амбулатордук дарылануудан өтүп жатат. 

Кыргызстанда пандемия башталгандан бери коронавирустан жалпы 1130 адам каза болду.