Бир топ Европа өлкөлөрү AstraZeneca вакцинасын колдонууга тыюу салууда

Бир топ Европа өлкөлөрү AstraZeneca вакцинасын  колдонуудан баш тарта баштады. Бул тууралуу чет элдик басылмалар билдирди.

Баш тартууга эң негизги себеп аталган вакцинаны алган адамдын каза болушу жана эмделген жерде кандын уюп калышы болгон.

AstraZeneca вакцинасын Дания, Норвегия жана Исландия колдонуудан баш тартты.

Ал эми Австрия, Эстония, Латвия, Литва, Люксембург, Кипр жана Италия аталган вакцинанын алдыдагы партияларын киргизүүгө тыюу салды.

Германия вакцинаны иликтеп жатканын билдирди.