Кыргызстанда 2022-жылы үй-бүлөлүк зордук-зомбулуктан 8 миң 225 аял жана 290 эркек киши жабыркаган, анын ичинде 210 бала бар. Бул тууралуу Жогорку Кенештин комитеттеринин биргелешкен жыйынында башкы прокурор Курманкул Зулушев билдирди.
Анын айтымында, жалпысынан прокуратура органдары тарабынан 980 зомбулук фактысы катталган. 8 миң 725 күзөт ордери берилип, 190у узартылган.
“Тергөө иш-чараларынын жыйынтыгы боюнча 181 прокурордук акт түзүлүп, 82 кылмыш иши козголгон. 63 факт жоюлуп, 36 факт боюнча тергөө иштери жүрүүдө”, - деди ал.
Пикирлер (0)
Пикир жок. Сиз биринчилерден болушуңуз мүмкүн