Бишкек-Кант-Токмок унаа жолун оңдоо иштери башталды

Бишкек-Кант-Токмок унаа жолун оңдоо иштери башталды. Бул тууралуу Транспорт жана коммуникациялар министрлиги билдирди.

Маалыматка ылайык, Бишкек-Кант-Токмок унаа жолун оңдоо иштери башталып, азыркы тапта жолдун Лебединовкадан Новопокровкага чейинки бөлүгүндө жер жумуштары жүрүүдө.

Муну менен катар, курулушка тоскоол болгон айрым объектилер алынууда.

Белгилей кетсек, 3,85 чакырымга созулган жолдун бул бөлүгүндө капиталдык оңдоо иштери жүрөт.

"Алдыда Бишкек-Кант-Токмок унаа жолу этап-этабы менен оңдолот. Азыркы тапта аталган унаа жолдун 14,5 км (9,05-23,55 чакырымдар аралыгын) долбоорлоо иштери аткарылууда",-деп айтылат маалыматта.

Эске салсак, Бишкек-Кант -Токмок жолунун жалпы 18 чакырымына асфальт төшөө пландалып, долбоордо көпүрөнү оңдоо, эки тарабынан тротуар, унаа токтотуучу жай жана башка иштер каралган.