Бишкек-Москва каттамы боюнча үзгүлтүксүз аба каттамынын саны көбөйөт

Бишкек-Москва каттамы боюнча үзгүлтүксүз аба каттамдардын саны көбөйөт. Бул тууралуу элчиликтен билдирди. 

Маалыматка ылайык, эки тараптуу сүйлөшүүнүн натыйжасында  РФ жана КР ортосунда үзгүлтүксүз аба каттамдарынын санын көбөйтүү маселеси чечилди.

"Мурда бир жумада бир жолу гана болсо, эми бир жумада 3 жолу каттоо мүмкүн. Албетте, санитардык нормаларды сактоо үчүн талап кылынган документтер керектелет", - деди Россиянын Кыргызстандагы элчиси.

Белгилүү болгондой, Жогорку Кеңештин депутаты Аида Касымалиева бул боюнча бир топ жолу маселе көтөрүп тиешелүү өкмөт мүчөлөрүнө тапшырма берген. Депутат билет бааларынын кымбат экенин айтып, аны жөнгө салуу керектиги боюнча кулак кагып келген.