Медиктердин дагы жетисинен коронавирус аныкталыды

Бир сутка ичинде өлкө боюнча 7 медициналык кызматкер коронавирус жуктуруп алганы аныкталды. Бул тууралуу саламаттыкты сактоо министринин орун басары Нурболот Үсөнбаев 4-июндагы брифингде билдирди.

Маалыматка ылайык, Бишкек шаарында – 2, Ош шаарында – 4 жана Нарын облусунда – 1 медиктен коронавирус табылган.

Ал эми стационарлардан сутка ичинде 5 медкызматкер айыгып чыгарылып, оорудан сакайган ак халатчандардын саны 270ке жетти.

Жалпысынан республика боюнча COVID-19 диагнозу менен медициналык кызматкерлер арасында – 372 учур катталды.