Бишкек, Ош жана Токмок шаарында жергиликтүү кеңештин шайлоосу качан өтөт?

КРнын президенти бир ай ичинде кайрадан шайлоо өткөрүү боюнча жарлыкка кол коюшу керек. Бул тууралуу БШК 24.кг агенттигине билдирген. 

Белгилей кетсек, аталган шаарларда 11-апрелде өткөн добуш берүүнүн жыйынтыктары жараксыз деп табылган.

Кайра шайлоо өнөктүгү жарлыкка кол коюлган күндөн тартып 30 календардык күндүн ичинде жүргүзүлөрү көрсөтүлгөн.

Шайлоого катышууну көздөгөн саясий партиялар үчүн эч кандай чектөө жок. Пара алуу, административдик ресурстарды пайдалануу жана шайлоочуларга жана участкалык комиссиянын мүчөлөрүнө кысым көрсөтүү сыяктуу одоно мыйзам бузуулар үчүн соттолгон талапкерлер гана шайлоого катыша албайт.