Бишкек—Ош жолундагы кырсыктан 1 адам каза болуп, 4 киши жабыркады

Ош—Бишкек жолунда жеңил унаалар кагышып, 1 адам каза болду. Бул тууралуу Өзгөчө кырдаалдар министрлигинин басма сөз кызматынан билдиришти.

Маалыматка ылайык, Токтогул районунун Жаңы-Жол айыл аймагынын Арал тилкесинде Бишкек—Ош унаа жолунун 275-чакырымында “Volkswagen Passat” жана “BMW” үлгүсүндөгү унаалардын катышуусунда жол кырсыгы катталган.

Кырсыктын кесепетинен унаалардан өрт чыгып, өрт бөлүм жеткенге чейин өчүрүлгөн. Жол кырсыгынын кесепетинен 4 адам жабыркап, 1 эркек адам (1967-жылы туулган) ооруканада каза болгон.