Бишкек-Ош жолундагы "Көлбаев" тоннели эки тараптуу жабылды

Бишкек-Ош унаа жолундагы "К.Көлбаев" тоннели эки тараптуу жабылды. Бул тууралуу Транспорт министрлигинин басма сөз кызматы билдирди.

Маалым болгондой, жаап жаткан карга байланыштуу Бишкек-Ош трассасынын бир нече жеринде кар көчкү түшкөн. Мындан улам тоннель бардык унаалардын түрлөрү үчүн эки тараптуу убактылуу жабылды.

Транспорт министрлиги кошумча маалымат берилерин билдирди.