Бишкек ШИИБ интернетте тараган видео тууралуу: Бир адам октон жаракат алган, шектүүлөр изделүүдө

Бишкек ШИИБ интернет желесинде тараган видео боюнча билдирүү жасады. 

Маалыматка ылайык, 7-августта милициянын "102" кызматына Каарман көчөсүндө белгисиз адам октон жаракат алганы боюнча маалымат түшкөн. Жерине Биринчи Май РИИБинин тергөө тобу барган.

Окуя болгон жерге кароо жүргүзүүдө белгисиз үлгүдөгү тапанча, 1 даана патрон жана гильза табылган. Алдын ала маалымат боюнча, октон жаракат алган 1984-жылы туулган А.Р. аттуу жаран оорукананын жандандыруу бөлүмүнө жаткырылган.

Аталган факты боюнча Кылмыш-жаза кодексинин 280-беренеси "Бейбаштык" негизинде кылмыш иши козголуп, керектүү экспертизалар дайындалды.

Учурда шектүү адамдарды аныктоо жана кармоо боюнча тиешелүү ыкчам-издөө иш-чаралары жүргүзүлүүдө.