Бишкек шаардык ички иштер башкармалыгынын башчысы Канат Жумагазиев алдыдагы парламенттик шайлоого катышат. Бул тууралуу жергиликтүү басылмалар өздүк булактарына таянуу менен билдиришти.
Маалыматка таянсак, Жумагазиев “Биримдик” саясий партиясынан талапкер болот.
Канат Жумагазиев 1977-жылы 10-февралда туулган. Кыргыз Мамлекеттик Улуттук Университетин юриспруденция адистиги боюнча бүтүргөн.
Эмгек жолу:
1997-жылдан бери ички иштер органдарында. Ал Чүй облусунун Аламедин райондук ички иштер бөлүмүнүн башчысы, Бишкек шаарынын Биринчи Май райондук ички иштер бөлүмүнүн башчысы, Кыргыз Республикасынын Ички иштер министрлигинин 10-башкы башкармалыгынын башчысы болуп иштеген. 2016-жылдын июлунан 2017-жылдын ноябрына чейин Чүй облусунун борбордук ички иштер башкармалыгынын башчысы болуп, 24-ноябрда Ички иштер министрлигинин ЖКККББ башчысы болуп дайындалган, 2019-жылдын 7-февралынан тартып Бишкек ШИИБнин башчысы.
Пикирлер (1)