Бишкек аймактык шайлоо комиссиясынын төрагасы Кайрат Маматовдон Covid-19 инфекциясы аныкталды. Бул тууралуу ал социалдык тармактагы өзүнүн баракчасына жазды.
Анын айтымында, ооруну кантип жана кайсы жерден жуктурганын билбейт. Анын жакындары да тест тапшырып, алардан коронавирус аныкталган эмес.
«Учурда дарыланып жатам. Вирус биздин арабызда, ошондуктан абайлагыла жана ден соолукта болгула», - деп жазды ал.
23-июнга карата республика боюнча СOVID-19 инфекциясынын жаңы 163 учуру катталды. Муну менен республика боюнча жалпы 3519 учур болду.
Пикирлер (0)
Пикир жок. Сиз биринчилерден болушуңуз мүмкүн