“Бишкек башкы архитектуранын” жетекчиси УКМКнын СИЗОсуна киргизилди

6-октябрда Биринчи Май райондук соту «Бишкек башкы архитектура» муниципалдык ишканасынын жетекчиси Урмат Карыбаевди УКМКнын СИЗОсуна камады.

Райондук соттун басма сөз кызматы билдиргендей, ал 16-октябрга чейин СИЗОдо болот.

Карыбаев КР Кылмыш-жаза кодексинин 337-беренесинин 3-бөлүгү («Кызматтык абалынан кыянаттык менен пайдалануу») боюнча шектелүүдө.

Белгилей кетсек, У.Карыбаев «Бишкек башкы архитектураны» 2022-жылдын июнь айынан бери жетектеп келген.