Бишкек комендатурасына уруксат берүү иштерин күчтөндүрүү тапшырылды

Биринчи вице-премьер-министр Кубатбек Боронов республикалык ыкчам штабдын жыйынынын жүрүшүндө борбор калаанын комендатурасында электрондук өткөрмө кагаз берүү иштерин күчтөндүрүүнү тапшырды.

Анын айтымында, Бишкек комендатурасында ишмердүүлүктүн уруксат берилген түрлөрү үчүн электрондук өткөрмө кагаз берүү иштерин күчтөндүрүү жана электрондук системага банктардын, уюлдук байланыш, жеке медициналык мекемелердин, интернет провайдерлердин кызматкерлерин ташууга уруксат берүүнү киргизүү маселесин кароо керек. 

Ошондой эле карантиндик посттор уюштурулган калктуу пункттар аркылуу өткөн күнүмдүк керектелүүчү товарларды ташыган жана өлкөнүн райондорунун жана облустарынын ортосунда жазгы-талаа иштерине тартылган унаалардын тоскоолдуксуз жүрүүсүн көзөмөлдөө зарыл. 

Ички иштер министрлигине жарандардын үй карантини эрежелерин сактоолорун көзөмөлдөөнү күчөтүү тапшырылды.