Бишкек мэриясы: Суунун тартыштыгы боюнча абал бир айдын ичинде турукташат

Ичүүчү суу менен камсыздоо боюнча абал бир айдын ичинде турукташат. Бул тууралуу Бишкек шаарынын вице-мэри Жыргалбек Шамыралиев брифингде билдирди.

Ал белгилегендей, борбор калаада, өзгөчө шаардын түштүк тарабында, айрым калктуу конуштарда суу түтүктөрүндө суунун деңгээли азайган. «Бул көйгөй жыл сайын жайында пайда болуп, жеке үйлөр жер тилкелерин сугарып башташат, бул суунун керектелишинин көбөйүшүнө алып келет – 170 эсеп менен бир кишиге 500 литрге жакын. Натыйжада, түтүктөрдөгү басым азаят. " ал айтты.

Вице-мэрдин айтымында, Бишкек шаарында 334 скважина бар, алардан суу чыгарылат.

«Бир айдын ичинде пландалган иштердин бардыгын аткарсак, сууну туруктуу бере алабыз», - деди ал.

Жыргалбек Шамыралиев жарандар да көйгөйдү чечүүгө салым кошсо болорун баса белгиледи - сууну сарамжалдуу пайдалануу.

«Суу бул ресурс, чексиз эмес, аны да коргоо керек. Бүгүнкү күндө сууну сарамжалдуу пайдалансак, тартыштыктан кутулабыз», - деди ал.