Бишкек мэриясы сот аркылуу компанияны жер ижарасы үчүн миллион сом карызын төлөөгө милдеттендирди. Бул тууралуу муниципалитеттин басма сөз кызматы билдирди.
Ижара келишимине ылайык, 2012-жылы мэрия Турусбеков жана Рыскулов көчөлөрүнүн кесилишинен 2056-жылга чейин аянты 1 миң 80 чарчы метр болгон "MI.S.KB" ЖЧКсына жер тилкесин берген.
«Бирок, андан бери алар ижара акысын төлөбөй келишкен. Бүгүнкү күндө карыз 1 миллион 12 миң 414 сомду түзөт. Биз сотко кайрылууга аргасыз болдук. Октябрь райондук соту доо арызды толугу менен канааттандырды жана компанияны карызды төлөөгө милдеттендирди», - деп билдиришти мэриядан.
Пикирлер (0)
Пикир жок. Сиз биринчилерден болушуңуз мүмкүн