Бишкек мэриясы үч көпүрө курууга тендер жарыялады

Бишкек мэриясы калаанын чыгышында 296,6 миллион сомго үч көпүрө курууну мерчемдеп жатат. Ал үчүн тендер жарыяланды.

Маалыматка ылайык, үч объект үчүн муниципалитет 296,6 миллион сом бөлүүнү пландаштырууда.

Курула турган көпүрөлөр:

- Ауэзов көчөсүндө — ЖЭБ каналы аркылуу;

- Шүкүров көчөсүндө — Чыгыш ЧЧК аркылуу (Медеров көчөсүнө чыгуу менен);

- Жибек Жолу проспектинде — Аламүдүн дарыясына.

Анткен менен тендердик арыздарда долбоордун аяктоо мөөнөттөрү көрсөтүлгөн эмес.