Бишкек мэриясында кадрдык өзгөрүү орун алды

Миназаров Конокбай "Бишкасфальтсервис" муниципалдык ишканасынын башкы инженери болуп дайындалды. Бул тууралуу  мэриянын басма сөз кызматы билдирди.

Тиешелүү буйрукка шаардык мэрдин милдетин аткаруучу  Балбак Түлөбаев кол койду.

Турак жай коммуналдык чарба иштери боюнча вице-мэр Жамалбек Ырсалиев жаңы башкы инженерди жамаатка тааныштырды.

Конокбай Миназаров жол куруу тармагында 1995-жылдан бери иштеп келе жатат. Ал жөнөкөй мастерликтен  иштеп баштаган, 2010-2019-жылдар аралыгында борбордук мэриянын "Сыноочу жол лабораториясын"  жетектеген.