Бишкек мэриясынын департаменттеринин мурдагы башчылары кармалды

Бишкек мэриясынын департаменттеринин мурдагы башчылары кармалды. Бул тууралуу УКМКдан билдиришти.

Маалыматка ылайык, алар шаарга орнотулуп жаткан "акылдуу" жол чырактарды кымбат алган деп айыпталууда.

"Шектүүлөр Байтик баатыр жана Масалиев көчөлөрүнө 21 жол чырак орнотуу үчүн 128 миллион сомго келишим түзүшкөн. Жол чырактар жолдо жүрүүнү автоматташтырып, тыгынды азайтмак. Долбоор көрүнүктүү натыйжа бербегендиктен мэрия текшерүү жүргүзүп, техника 18 миллион сомго кымбат алынганын аныктаган", — деп айтылат маалыматта.

Транспорт департаментинин мурдагы башчысы У.У.К. (Улан Уезбаев туура келет) жана "Жол-транспорт инфраструктурасы" муниципалдык ишканасынын мурдагы башчысы С.Р.М. камакка алынганы кошумчаланды.