Бишкек шаардык кеңеши эртең ишин башташы күтүлүүдө

Бишкек шаардык кеңешинин депутаттары мандаттарын жана төш белгилерин ушул жума күнү, 30-июлда алышат. Бул тууралуу Kaktus.media кабарлады.

Ушул эле күнү 11-июлда шайланган БГКнын жаңы чакырылышынын биринчи жыйыны болот.

Бишкек аймактык шайлоо комиссиясынан Kaktus.mediaга билдиришкендей, АШК БШКнын шайлоону жарактуу деп табуу жөнүндө токтомун жарыялоону күтүп жатат, аны БШК 29-июль, бейшемби күнү жасайм деп убада кылган.