Бишкек шаарындагы №75 мектептин курулушу аяктап калды

Бишкек шаарындагы №75 жалпы билим берүү мектеп - лицейинин курулуш иштери 85 пайызга аяктап калды. Бул тууралуу "Биринчи радио" билдирди.

Белгилүү болгондой, мектептин имараты 1960 - жылы курулган.

Авариялык абалга жетип калган имарат толугу менен бузулуп, ордуна эки кабаттуу, 550 орунду жаны имарат курулуп жатат. Курулуш иштерин "ЭталонВинСпецСтрой" жоопкерчилиги чектелген коому жүргүзүүдө.

Билим берүү уясынын курулуш иштерин сентябрь айынын ортосунда буткөрүү пландалууда.