Бишкек шаарынын ичине орнотулган бетон тосмолордон кандай унаалар өтөрү айтылды

Бишкек шаарынын ичине орнотулган сексенге жакын бетон тосмолордон тез жардам жана өрт өчүүрү унаалары тосколдуксуз өтөт. Бул тууралуу Ички иштер министринин орун басары жана Бишкек шаарынын коменданты Алмазбек Орозалиев билдирди.

Анын айтуусуна караганда жөө жүргүнчүлөрдү гана эмес, унаалардын да кыймылын чектөөгө алышкан.

“Тосмолордон тез жардам жана өрт өчүрүүчү жана башка өзгөчө кырдаалда кызмат өтөп жаткан унаалар тоскоолдуксуз өтө алат. Бетон тосмолор унаалардын текшерилип өтүүсүнө ыңгайлаштырылып орнотулган. Ал эми себепсиз жүргөн унааларга тийиштүү чаралар көрүүлөт”, - деди ал.