Бишкек шаарынын курултайы 10-октябрда өтөт

Элдик курултайга делегаттарды шайлоо үчүн Бишкек шаарынын жергиликтүү жамаатынын курултайы 2022-жылдын 10-октябрында Т.Сатылганов атындагы Кыргыз улуттук филармониясында өтөт. Бул тууралуу Бишкек шаардык кеңешинин “Элдик курултайды чакыруу жөнүндө” токтомунун долбоорунда айтылат.

Токтомдун долбооруна ылайык, курултайда эки маселе каралат:

- Бишкек шаарынын мэринин 2022-жылдын 1-жарым жылдыгы үчүн отчету;

- КР Элдик курултайына делегаттарды шайлоо жөнүндө.

Бишкек курултайына 500 делегат чакыруу пландалууда:

• Ленин району - 125 делегат;
• Октябрь району - 140 делегат;
• Биринчи май району - 101 делегат;
• Свердлов району – 134 делегат.