Бишкек шаарынын вице-мэрлери алмашты

Бишкектин вице-мэрлик кызматына Мирланбек Байгончоков жана Азат Узаков дайындалды. Бул тууралуу шаардык мэриянын маалымат кызматы билдирди.

Маалыматка ылайык, Байгончоков шаардын экономика жана каржы боюнча маселелерин тескейт, ал эми Узаков жер маселелерин, шаар куруу жана архитектураны көзөмөлдөйт.

Тиешелүү буйруктарга шаар мэри Айбек Жунушалиев кол койду.