Нарындагы жол кырсык 3 адамдын өмүрүн алды (сүрөт)

Бишкек—Нарын—Торугарт унаа жолунда эки унаа кагышып, үч адам каза болду. Бул тууралуу ӨКМдин басма сөз кызматы билдирди.

Маалыматка караганда, жол кырсык 22-сентябрда саат 17:00 чамасында Бишкек—Нарын—Торугарт  унаа жолунун 280-чакырымында (Эмгекчил айыл аймагы) катталган. Анда "Тойота Авенсис" жана "Хонда-Степ" үлгүсүндөгү унаалары кагышып, анын кесепетинен 58 жана 38 жаштагы эки аял жана 44 жаштагы эркек киши каза болгон. Ошондой эле беш адам жараат алган.

Окуя болгон жерге куткаруучулар жана 1 өрт өчүрүүчү унаа, тез жардам кызматынан 1 бригада тартылган.

Куткаруучулар каза болгон адамдардын сөөгүн унаадан чыгарып, тез жардам кызматкерлерине өткөрүп беришкен. Жабыркаган адамдар Нарын облустук ооруканасына, каза болгондордун сөөгү Нарын райондук ооруканасынын өлүк сактоочу жайына жеткирилген.