Бишкек–Ош унаа жолундагы кырсыктан 3 адам каза болду. Бул тууралуу 2-сентябрда ӨКМдин басма сөз кызматынан кабарлашты.
Маалыматка караганда, Бишкек–Ош унаа жолунун 449-чакырымында «Тойота Виш» үлгүсүндөгү унаа жолдон чыгып, Нарын дарыясынын жээгине болжол менен 50-60 метр бийик жардан кулап кеткен.
Кырсыктын кесепетинен 2 кыз жана 9 жашар бала (аты-жөнү такталууда) каза болуп, 5 эркек адам (аты-жөндөрү такталууда) ар кандай жаракаттарды алышкан. Кырсык болгон жерге ӨКМден 5 куткаруучу, тез жардам кызматы, ИИМден 5 кызматкер барган.
Куткаруучулар каза болгон жана жабыркаган адамдарды унаадан чыгарып, тез жардам кызматкерлерине өткөрүп беришти.
Пикирлер (0)
Пикир жок. Сиз биринчилерден болушуңуз мүмкүн