Бишкек–Ош жолундагы кырсык 5 адамдын өмүрүн алды (видео)

Бүгүн, 27-июнда саат 6:00 чамасында Бишкек–Ош унаа жолунун 69-чакырымында жол кырсык катталып, 5 адам каза болду. Бул тууралуу ӨКМден маалымдашты.  

Маалыматка караганда, «Лексус RX350» үлгүсүндөгү унаа менен оор жүк ташуучу «МАН» унаасы кагышкан. Кырсыктын кесепетинен 5 адам (3 аял, 1 эркек жана 1 бала) каза болуп, кичинекей 1 кыз жабыркаган.

Аталган жерге ӨКМдин 4 куткаруучусу барып, каза болгон адамдардын денелерин унаадан чыгарып, ИИМдин кызматкерлерине өткөрүп беришти.

Күбөлөр тартып алган видеодон «Лексус RX350» унаасы толугу менен талкаланганын көрүүгө болот.