Бишкек шаарына 30-июлда Россиянын Екатеринбург шаарынан 229 кыргызстандык жаран келди. Бул тууралуу ТИМдин басма сөз кызматы билдирди.
Маалыматка караганда, аталган чартердик каттам менен Россияда окуган кыргызстандык студенттер, Екатеринбург, Челябинск, Тюмень, Сургут, Магнитогорск, Салехард, Ханты-Мансийск жана Пермдеги жарандар (ооруга чалдыккандар, ден соолугунан мүмкүнчүлүгү чектелгендер, улгайгандар, кош бойлуу жана жаш балалуу аялдар) алынып келди.
«Тизме жарандардан жана Уралдагы кыргыз диаспораларынан түшкөн кайрылуулардын негизинде түзүлдү. Ошондой эле жүргүнчүлөрдүн буга чейин сатылып алынган билеттери эске алынды», - деп айтылат маалыматта.
Пикирлер (0)
Пикир жок. Сиз биринчилерден болушуңуз мүмкүн