Кулжа 21, 2024
Убакыт: 22:40
USD
86.70
87.60
EUR
92.60
93.60
RUB
0.940
1.020

Бишкекке КМШ өлкөлөрүнүн атайын кызматынын жетекчилери чогулду

24.05.2024 10:17
164
Бишкекке КМШ өлкөлөрүнүн атайын кызматынын жетекчилери чогулду


Борбор калаада КМШ өлкөлөрүнүн коопсуздук органы менен атайын кызматынын жетекчилеринин 54-отуруму өтүп жатат.


Президент Садыр Жапаров иш-чаранын катышуучулары менен жолукту.


ФСБ маалымат кызматы отурумдун алкагында КМШда конституциялык түзүлүштү күч менен өзгөртүп жана абалды туруксуздаштыруу үчүн чет мамлекеттерден атайын даярдыктан өтүп келгендерди табуу боюнча биргелешкен чаралар аныктала тургандыгын билдирген.


"Иш-чаранын катышуучулары диний экстремизм жана террорчулук менен күрөшүү, аны менен катар террорчулукка каршы эл аралык маалыматтар топтомун алмашуу менен бул багыттагы иштерди өркүндөтүү жолдорун сүйлөшүп, белгилешет", — деп айтылган анда.


КМШнын антитеррордук борбору кеңештин мүчөлөрүнө террорчулук жана экстремизмдин башка түрлөрү менен 2023-2025-жылдары күрөшүүдө КМШдагылардын кызматташуу программасынын 2023-жылы аткарылышынын отчету берилет.


Иш-чарага УКМКнын төрагасы Камчыбек Ташиев, ФСБ башчысы Александр Бортников, РФтин Тышкы чалгын кызматынын директору Сергей Нарышкин жана шериктештиктин атайын кызматтарынын башчылары катышууда.

Теги

Пикирлер (0)

Коопсуздук коду

Пикир жок. Сиз биринчилерден болушуңуз мүмкүн