Бишкекке Кытайдан 100 кыргызстандык жаран келди

Бишкекке 17-июлда Кытайдан 100 кыргызстандык жаран келди. Бул тууралуу ТИМдин басма сөз кызматы билдирди.  

Маалыматка караганда, алар «Zhejiang Loongair Airlines» авиакомпаниясынын Сиань—Бишкек каттамы менен келишти. Алардын көбүн Кытайдын университеттеринде окуган студенттер түзгөн. 

"Жүргүнчүлөрдүн тизмеси Кытайда жашаган жана өкүлчүлүк менен байланышта болгон Кыргызстандын жарандарынын кайрылуусу аркылуу түзүлгөн.

Жыйынтыгында Кытайда жүргөн 380 жарандын ичинен 100 адам тез арада өз мекенине кете турганын билдирип, Кытайдын 40ка жакын шаарынан Сиань шаарына чогулушкан", - деп айтылат маалыматта.