Бишкекке Москвадан 431 жаран кайтып келди

Эл аралык «Манас» аэропортуна 21-июнь күнү «Аэрофлот» авиакомпаниясынын чартердик рейси менен "Москва-Бишкек" каттамы боюнча 431 жаран, анын ичинде жаш балдар кайтарылды.

Каттамдын орундуктары чектелүү болгондуктан жана Кыргызстанга келүүнү каалаган жарандардын саны көп болгондуктан, бул каттамдагы жүргүнчүлөрдүн тизмесин кыргыз диаспорасынын, Москва шаарындагы медициналык клиникалардын дарыгерлеринен жана Россия Федерациясындагы Кыргызстандын элчилигинин кызматкерлеринен түзүлгөн комиссия тарабынан түзүлгөн.

Бардык учуп келген жарандар бекитилген тартипте медициналык процедуралардан өтүү үчүн обсервацияга алынат.

Чет мамлекеттерде жүргөн КР жарандарын мекенине кайтарууну уюштуруу иштери улантылат.