Бишкекке Стамбулдан 165 кыргызстандык жаран келди

Бишкек шаарына чартердик каттам аркылуу Түркиянын Стамбул шаарынан 165 жаран алынып келди. Бул тууралуу ТИМдин басма сөз кызматы билдирди. 

Маалыматка караганда, жарандар бүгүн, 27-июлда «Pegasus Airlines» авикомпаниясынын Стамбул—Бишкек—Стамбул каттамы менен келишти. 

Аталган каттам эки өлкөнүн тышкы саясий ведомстволорунун ортосунда Кыргызстандын чет өлкөлөрдөгү жарандарын мекенине кайтаруу боюнча жетишилген макулдашуунун алкагында уюштурулду.