Бишкекте 15 текшерүү пост, 32 санитардык пост орнотулду

Бишкек шаары боюнча өзгөчө абал киргизилгендигине байланыштуу жүрүүчү жолдордо 15 текшерүү посттор орнотулду. Бул тууралуу биринчи вице-премьер-министр Кубатбек Боронов бүгүн, 24-мартта брифингде билдирди.

Анын айтымында, мындан тышкары 32 санитардык текшерүү посттору орнотулду. Жолдо жүрүүдө эрежелердин сакталышын көзөмөлдөө үчүн атайын дайындалган мобилдик топтор жана потрулдук кызматкерлер көзөмөлгө алышат.

Өзгөчө абалдын шарттарына ылайык, эрте мененки саат 7ден кечки саат 20:00гө чейин адамдардын себепсиз көчөдө жүрүүсүнө тыюу салынат. Эгерде көчөдө максатсыз жүргөндөр болсо жана өздүгү аныкталбаса потрулдук кызматкерлер тарабынан камоого алынат.

Ошондой эле, күндүзгү маалда 3 себеп менен чыкса болот: дарыканаларга, дүкөнгө жана ооруканага барууга. Ал эми түнкүсүн эч качан чыкпоо керектиги талап кылынат