Бишкекте 18, Чүйдө 19 жаштагы жигит сууга чөгүп кетти

Бишкек шаарында 18, Чүй облуусунда 19 жаштагы жигит сууга чөгүп кетти. Бул тууралуу Өзгөчө кырдаалдар министрлигинин басма сөз кызматынан билдирди.

Маалыматка ылайык, Свердлов районунда 31-майда саат 17:18де Учкун кичи районунун Миң-Булак көчөсүндө Чоң Чүй каналына 18 жаштагы М.Н. аттуу эркек бала чөгүп кеткен.

Ошондой эле Аламүдүн районунда 31-майда саат 14:19да ГЭС-5 айылындагы көлмөгө 19 жаштагы С.М. аттуу эркек киши чөгүп кеткен.

Куткаруучулар маркумдардын жансыз денелерин суудан чыгарып, ИИМ кызматкерлерине өткөрүп беришкен.