Бишкекте №20 мектеп-гимназиясында STEAM класстары ачылды

Бишкекте Гейдар Алиев атындагы №20 мектеп-гимназиясында STEAM класстары ачылды.

Муниципалитеттен билдиришкендей, кеңселер 3D принтерлер жана алардын чыгымдалуучу материалдары, ноутбуктар, лазердик системалар, квадрокоптер сыяктуу ар кандай оргтехника менен жабдылган.

Учурда 10 мектепке чейинки билим берүү уюмдарында (№ 35, 51, 162, 22, 64, 18, 71, 182, 4, 61) STEAM билим берүү боюнча ресурстук борборлор ачылган.

STEAM билим берүү илим, технология жана инженерия тармактарын айкалыштырган окууга жана өнүктүрүүгө болгон мамиле. Окуучулар STEAM аркылуу өнүктүрө турган көндүмдөр аларга келечектеги ийгилигинин пайдубалын түзөт.

Белгилей кетсек, STEAM багыты борбор калаанын мэриясынын Билим берүү департаменти үчүн артыкчылыктуу багыт болуп саналат жана бул багытты ишке ашырууда бир катар иш-чаралар пландаштырылган, мисалы, мектепке чейинки билим берүү мекемелеринде окутуу жана өнүктүрүү иштери активдүү жүргүзүлүүдө.