Бишкекте 22 жаштагы кызды никеге туруу максатында ала качкан жаран кармалды

Бишкекте адам уурдоого шектелген жаран кармалды. Бул тууралуу Биринчи май райондук ички иштер бөлүмүнөн билдиришти.

Маалыматка ылайык, 17-апрелде милицияга Коммунаров көчөсүндөгү тигүү цехинин жанынан кызды уурдап кетишкени тууралуу билдирүү түшкөн. Анда чала тааныш жигит 22 жаштагы Т.З аттуу жаранды ала качып кеткени аныкталган. Шектүү кызды Хонда S-MX унаасы менен белгисиз тарапка алып кеткен.

Аталган факты боюнча Кылмыш-жаза кодексинин 172-беренесинин ("Никеге туруу максатында адамды ала качуу") боюнча кылмыш иши козголуп, кылмышка шектүү катары 26 жаштагы М.Т. аттуу жаран кармалды.

Учурда кармалган жаран убактылуу кармоочу жайга киргизилди.