Бишкек шаарында 3 оорукана коронавирус менен ооруган бейтаптарды кабыл алып жатат. Бул тууралуу саламаттыкты сактоо министри Сабиржан Абдикаримов 22-июндагы онлайн брифингде билдирди.
Анын айтымында, бейтаптарды республикалык клиникалык инфекциялык ооруканасы, кыргыз-түрк "Достук" ооруканасы жана шаардык №6 клиникалык ооруканасы кабыл алууда.
Мындан тышкары, коронавирус инфекциясы жок, бирок пневмония оорусу бар бейтаптарга өзүнчө орундар даярдалган. Улуттук фтизиатрия борборунда 38, Темир жол ооруканасында 30, Улуттук госпиталда 120 орун даярдалган.
"Акыркы убакта коронавирус аныкталбаган, бирок пневмания оорусу менен жабыркаган бейтаптар көп кайрылып жатышат", - деди ал.
Пикирлер (0)
Пикир жок. Сиз биринчилерден болушуңуз мүмкүн