Бишкекте 4-апрелден баштап жылуулук өчүрүлөт

Бишкек шаарында 4-апрелден тарта жылуулук берүү өчүрүлөт. Бул тууралуу борбор калаанын мэриясынан кабарлашты.

Маалыматка ылайык, жылуулук маселеси боюнча штабдын отуруму болгон, анын жыйынтыгы менен борбор калаада жылуулукту токтотуу чечими кабыл алынган. 

Эске салсак, буга чейин Бишкек шаарында 19-марттан тарта жылуулук берүү токтотулган. Бирок кайра 24-марттан тарта күн суук болууп кеткендигине байланыштуу жылуулук берүүнү жандандырган.