Бишкекте 5 кичи автобустардын каттамы токтотулуп, ордуна автобустар каттай баштайт (фото)

31-августтан тарта Бишкекте 5 кичи автобустардын каттамы токтотулат.

Ошентип, №100, №105, №152, №195 жана №212 кичи автобустар мындан ары каттабайт. Алардын ордуна ошол эле номерлер менен жаңы автобустар линияга чыгат.

Бул жаңы автобустардын келишине жана Бишкек шаарынын маршруттук тармагын оптималдаштырууга байланыштуу.

Бишкекте быйыл муниципалитет газ менен жүрүүчү 1000 автобус сатып алган. Буга чейин шаарга 200 автобустун партиясы келип, шаардыктарды тейлөө үчүн линияга чыккан.