Милиция кызматкерлери тарабынан хайп үчүн Бишкектеги №49 мектепке массалык теракт жасоону убадалаган кайрылуусун социалдык тармакка жарыялаган борбордогу мектептердин биринин 7-классынын окуучусу аныкталды.
“Кабар” агенттигине Биринчи май райондук милициясынан билдиришкендей, билдирүүсүндө өспүрүм бычагы, Макаров маркасындагы тапанчасы жана 34 даана түтүк бомбасы бар экенин айткан. “Мен баарын өлтүрөм”, - деп жазган окуучу.
Аталган факт Бишкек шаардык Биринчи май райондук милициясына каттоого алынып, тергөөгө чейинки текшерүү башталган.
“Окуучу бул кылыгын жаңы катталуучуларды тартуу жана хайп жасоо үчүн жасаганын билдирген”, - деп айтылат милициянын маалыматында.
Азыркы учурда тергөөгө чейинки текшерүү уланууда.
Пикирлер (0)
Пикир жок. Сиз биринчилерден болушуңуз мүмкүн