Кыргыз Республикасынын ИИМинин Баңгизаттарды мыйзамсыз жүгүртүүгө каршы күрөшүү кызматы тарабынан КР Финансы Министрлигине караштуу Бажы кызматы менен бирдикте Америка Кошмо Штаттарынан почта жөнөтмөлөрү аркылуу «гашиш майы» баңги каражаттарын жеткирүүнүн туруктуу каналын жөнгө салган трансулуттук баңги топторунун ишине бөгөт коюлду. Бул тууралуу ИИМдин басма сөз кызматы билдирди.
Кыргыз Республикасынын Кылмыш-жаза кодексинин 285-беренеси (Кыргыз Республикасынын бажы чек арасы аркылуу алып өтүүнүн атайын эрежелери белгиленген предметтердин контрабандасы) жана 282-беренеси (сатуу максатында баңги каражаттарын, психотроптук заттарды жана алардын аналогдорун мыйзамсыз даярдоо) боюнча козголгон кылмыш ишинин алкагында атайын тергөө амалдарын жүргүзүүнүн жүрүшүндө трансулуттук баңги топторунун ишине бөгөт коюлган.
Ошентип, 2023-жылдын 11-май күнү Бишкек шаарында баңгизатын алып жаткан 1992-жылы туулган И.Р. борбор калаанын тургуну кармалган.
Учурдагы ыкчам маалыматтарга ылайык, Америка Кошмо Штаттарынын жөнөтүүчү системалуу түрдө азык-түлүк жамынып баңги каражаттарды жөнөттү.
Жыйынтыгында, таңгакталган түрдө алынган баңги каражаттарынын жалпы салмагы 970 гр түздү.
Ошондой эле, бул «гашиш майы» баңги каражаттары электрондук тамекилерге жана вапаларга куюуга арналганын белгилей кетүү керек. Кара базарда баасы 1 гр. «гашиш майы» баңгизаты толтурулган капсуласы 100 АКШ долларын түзөт.
Учурда бул кылмышка тиешеси бар башка адамдарды аныктоо боюнча мындан аркы тергөө-ыкчам иш-чаралар жүрүп жатат.
Пикирлер (0)
Пикир жок. Сиз биринчилерден болушуңуз мүмкүн