Бишкекте Эгемендүүлүк күнүнө карата бир катар көчөлөр жабылат

Кыргызстандын Эгемендүүлүк күнүн белгилөө учурунда борбор калаанын "Ала-Тоо" аянты жана бир катар көчөлөр автоунаалар үчүн жабылат. Бул тууралуу Милициянын кайгуул кызмат башкармалыгы билдирди.

31-августта чектөө кире турган көчөлөрдүн тизмеси:

- Чүй простпектинин Ибраимов көчөсүнөн Тоголок Молдого чейинки бөлүгү;

- Фрунзе көчөсүнүн Эркиндик проспектинен Тоголок Молдого чейинки бөлүгү;

- Орозбеков менен Раззаков көчөлөрүнүн Фрунзе көчөсүнөн Чүй проспектине чейинки бөлүктөрү;

- Ибраимов көчөсүнүн Чүй проспектинен Фрунзе көчөсүнө чейинки бөлүгү;

- Чыңгыз Айтматов, Манас проспекти, Байтик баатыр жана Абдрахманов көчөлөрү да маал-маалы менен жабылып турат.