Бишкек шаарында экстремисттик материалдарды тараткан шектүү кармалганын ШИИБдин басма сөз кызматы билдирди. Буга чейин Кылмыш-жаза кодексинин 332-беренеси («Экстремисттик материалдарды даярдоо, таратуу») менен кылмыш иши козголуп, ыкчам иштер жүргүзүлгөн.
Биринчи май РИИБдин кызматкерлери тарабынан 1985-жылы туулган А.Н. шектелип кармалган. Шектүүнү текшерүү учурунда экстремисттик материалдарды социалдык түйүндөргө тараткан уюлдук телефон, Кыргызстанда тыюу салынган «Хизб ут-Тахрир» уюмунун материалдары табылган.
Шектүү камакка алынып, экспертизалар дайындалды. Тергөө уланып жатат.
Пикирлер (0)
Пикир жок. Сиз биринчилерден болушуңуз мүмкүн