Бишкекте КРнын шаарларынын мэрлеринин форуму өтүүдө

Бишкекте КР министрлер кабинетинин төрагасынын орун басары Эдил Байсаловдун катышуусунда Кыргызстандын 32 шаарынын мэрлеринин форуму өтүүдө.

Иш-чаранын алкагында шаарлардын мэрлери балдар менен жаштардын ар тараптуу өнүгүүсү үчүн шарттарды түзүү, маселелерди чечүүгө жаштардын активдүү жана бирдей катышуусу үчүн шаарлардын кызматташуусун жана аракеттерин өнүктүрүү максатында жолугушушкан.

Форум өкмөттүн 2020-жылдын 15-сентябрындагы №487 «Балдарга жана жаштарга достук шаар» сынагын өткөрүүнүн тартиби жөнүндө жобону бекитүү тууралуу» токтомун ишке ашыруу, шаарларды инклюзивдик саясатты ишке ашырууга стимулдаштыруу жана балдарга жана жаштарга багытталган ресурстарды бөлүштүрүү алкагында өтүп жатат.

Белгилей кетсек, бул сынак министрлер кабинети менен ЮНИСЕФтин Кыргызстандагы өкүлчүлүгүнүн биргелешкен демилгеси менен «Балдарга жана жаштарга достук муниципалитеттер» программасынын алкагында өткөрүлүүдө.