Бишкекте НДПК партиясын колдогон митинг өтүүдө

Бишкектеги административдик соттун имаратынын алдында НДПК партиясынын тарапкерлери митингге чыгышты.

Белгилей кетсек, Бишкек административдик соту БШКнын саясий уюмдун талапкерлеринин тизмесин каттоону жокко чыгаруу жана партия үчүн берилген добуштар менен бюллетендерди жараксыз деп табуу чечимине каршы НДПКнын арызын карап жатат.

БШКнын НДПК партиясын шайлоо жарышынан чыгаруу чечимин жокко чыгарууну талап кылган нааразычылык митингинин катышуучуларынын саны өсүүдө.

Митингчилер БШКнын партияны шайлоо жарышынан чыгаруу чечимин жокко чыгарууну жана НДПКнын талапкерлеринин тизмесин каттоону калыбына келтирүүнү талап кылган плакаттарды көтөрүп турушат.

Учурда сот имаратынын жанында 150гө жакын адам демонстрацияга чыгып жатышат.