Мэрия шаардагы эпидемиологиялык кырдаалды эске алуу менен Орозо айт намазын өткөрбөөнү сунуштады. Бул тууралуу Бишкек шаарынын мамлекеттик санитардык-эпидемиологиялык көзөмөлдөө борборунун мамлекеттик эпидемиологиялык көзөмөлдөө боюнча башкы дарыгердин орун басары Айнагүл Рыскулбекова брифинг учурунда билдирди.
"Бишкек шаарынын мэриясы коронавирус жугуштуу оорусунун алдын алуу үчүн төмөнкү чараларын сунуштайт: Эл көп чогулуучу оюн-зоок программалары, ар кандай маарекелер, салтанаттуу үлпөттөр, орозо учурундагы ооз ачуулар жана башкаларды чектөө. Ооз ачууну өткөрүүдө залдын 50 пайызын толтурууну камсыз кылуу жана социалдык аралыкты сактоо менен отургузуу, убакытты чектөө.
Жума намазын мечитте жамаат менен окууга тыюу салынат. Эпидемиологиялык абал турукташканга чейин ооз ачуудан кийинки таравих намазына топтолбой үйдө окуу сунушталат. Чыңалып турган эпидемиологиялык кырдаалга жакында өтүүчү көп сандаган эл чогулчу айт намазын өткөрбөө сунушталат. Жеңиш күнүн белгилөө сөзсүз түрдө эпидемиологиялык абалды эске алуу менен чечилиши керек", - деди Рыскулбекова.
Пикирлер (0)
Пикир жок. Сиз биринчилерден болушуңуз мүмкүн